Sunday, March 2, 2008

الصين ........غرقتنا





السلام عليكم ورحمه الله وبركاته

لقد انتشرت المنتجات الصينية فى السوق المصرية بطريقة فظيعة وبأسعار مذهلة

ولم تترك الصين اى منتج الا وشاركت فية حتى الجلباب والعمامة والسبح وسجاجيد الصلاة

وظهرت فى الاونة الاخيرة سجاجيد صلاة مرسوم عليها صليب ونجمة اليهود السداسية

ألهذا الحد وصل حال المسلمين بأن يقوموا بأستيراد سجادة الصلاة من بلاد الكفر؟؟؟

لماذا لا نصنعها بأيدينا نحن المسلمون؟؟

لماذا التكاسل؟؟

الم يحسنا الله تعالى على العمل؟؟

وقوله تعالى: {وقل اعملوا فسيرى الله عملكم ورسوله والمؤمنون}

أليس العمل فى خدمة الإسلام والمسلمين فهو فرض كفاية .؟؟ لما التخاذل؟؟

.
والنبي صلَّى الله عليه وسلَّم يقول: «ما من امرئ يخذل مسلماً في موطن ينتقص فيه من عرضه،

وينتهك فيه من حرمته إلاَّ خذله الله في موطن يحبُّ فيه نصرته» أخرجه أبوداود في السنن

نعم يوجد تخاذل من البعض

ويقول سبحانه وتعالى فى الاية الكريمة

{
وقُلِ اعْمَلُوا فَسَيَرَى اللَّهُ عَمَلَكُمْ ورَسُولُهُ والْمُؤْمِنُونَ وسَتُرَدُّونَ إلَى عَالِمِ الغَيْبِ والشَّهَادَةِ فَيُنَبِّئُكُم بِمَا كُنتُمْ تَعْمَلُونَ } فقد ربطت العمل برؤية الله تعالى لهذا العمل ومجازاته عليه في الآخرة .

وقد أدى الضعف في فاعلية المسلم وحركته اليومية إلى وجود خلل كبير في حياة المسلمين

دة حتى حاجات الكمبيوتر اللى احنا شغالين علية دة معظمها صينى وفى مصر مش عارفين نصنع انى ثنج من الكمبيوتر

ولم ينتج الصينيون فقط بل انهم يروجون وينشرون بضائعهم

وانا قاعد فى امان الله فى البيت اتلاقيت الباب بيدق ق ق قمت فتحت الباب اتلاقيت واحدة صينية

بتقولى سلامو اليكو قولتلها وعليكم السلام قالتلى مش اوزين هاجة قولتلها عاوزين سلامتك

وكانت شايلة شنط ملابس وكدة يعنى ويبقى السؤال مفتوحاااااااااا أين مصر من هذا؟؟؟

هو احنا هنفضل لحد امتى مش عارفين نصنع حاجة

واخيرا قد نجحت الصين فى صنع قفاز رقمى كهرضوئى ذى حقوق ملكية فكرية مستقلة وهو الاول من نوعه

وهى عبارة عن يد مقلدة واحنا لسة مش عارفين ننتج قلم



9 comments:

عايز أتعلم said...

جزيت خيرا اخي الحبيب
وبارك الله لك في مدونتك
وترقب نزول مدونتي قريبا
بارك الله ...حقيقة لو اعتمدنا على انفسنا لما احتجنا لغيرنا .. ولكن لسوء حالنا واقتصادنا صارت الصين تبيع منتجاتها لدينا بكثرة

جزيت خيرا وترقب نزول مدونتي قريبا

ahmed fala said...

اهلا دكترة

واحنا منتظرين مدونتك بشغف

وجزاكم الله خيرا على الرد والمرور

آخر العنقود said...

السلام عليكم
اولا الف مبروك على المدونة ربنا يوفقك فيها يارب
اما بقى بالنسبة للموضوع
فاللاسف احنا مش محتاجين الصين عشان تغرقنا ...احنا عندنا اللى بيغرقنا وزيادة
:)
بس والله عندك حق كل حاااااااااااااجة الواحد بيمسكها دلوقتى ميد ان شينا
استسهالنا لشراء كل حاجة من عندهم
عودنا على الكسل والجمود فى الفكر
ماحدش بقى عاوز يتعب نفسه
كل بقى بيقول طيب وانا اتعب نفسى ليه ما الحاجة بتيجى لحد عندى
اممممممممممم
والله ربنا يسترها علينا
وبلدنا الحلوة تاخد بالها من شبابها اللى يقدر يعمل حاجات كتير بس ياخد فرصته

تحياتى ليك
تقبل مرورى الاول لك

ahmed fala said...

اخر العنقود

الله يبارك فيكى
انتى نورتى المدونة
وفعلا احنا حصلنا حالة من الجمودشعبا وحكومتا

وجزاكم الله خيرا لهذا المرور الطيب

دكتور حر said...

الله ينور عليك يا احمد

بداية نورت التدوين
ثانيا
أكبر درس نفسي يوصل للناس من الصين
للناس اللي عماله تقول كتر خير حسني مبارك شايل هم 80 مليون
والصين فوق المليار وغزو العالم كله بعلمهم


ربنا يتولانا

والف مبروك

ahmed fala said...

ياهلا ياهلا

والله انت اللى نورت المدونة يا دكتور حر

وكلام حضرتك مظبوط طبعا

وشايلنا اية بس هو احنا قاعدين قوق كتافة ومدلدلين رجلينا

حسبى الله ونعم الوكيل

جزاك الله خيرا على هذا الرد الرائع

أحمد سعيد بسيوني said...

بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي

Abd El-fatta7 said...

هو في كام فرق كده بينا وبين الصين

الاول ياسيدي انهم عرفوا يستغلوا الكثافة السكانية اللي عندهم في انهم ينتجوا منتجات رخيصة ..في الوقت اللي هنا معتبرين ال 80 مليون دول حمل تقيل

الفرق التاني ان هم ناس مهتمين بالشغل وبيدوا للشغل وقت ومجهود عكس ناس كتير هنا

الفرق التالت بقي وده مهم اوي

انهم ماعندهمش رئيس اسمه مبارك

تيت

هههههههههههههه


سلام يابوحميد

ahmed fala said...

اية النور اللى حل على المدونة دة

بشمهندس عبد الفتاح مرة واحد

اهلا بيك يا هندسة

انت عندك حق طبعا فى كل الى انت قولتة وبذات النققة الاخيرة (تيييت)نورتنى ياباشا
وانتمنى انك ما تقطعها زيارة