Tuesday, March 11, 2008

ناس ....اعوذ بالله

السلام عليكم ورحمه الله وبركاته

بصراحة الموضوع باين من عنوانه أنا النهاردة هحكيلكم على شوية ناس أعوذ بالله

كنت في ذات يوم راكبا القطار من الإسماعيلية متجها إلى بورسعيد المهم هو كان ميعاده 7.5 الصبح

هو كانت عربياته عاملة زى عربيتا المترو يعنى الكراسي على الصفين الحمد لله دخلت وركبت واتلاقيت مكان فاضي قعدت فيه شوية كده أتلاقيت راجل كبير وماسك عكاز رحت قومت أنا وقعدت الراجل مكاني

الراجل كان نازل في القنطرة رحت أقعدت انا بقة مش هفضل واقف طول الطريق يعنى مع انى بقف طول الطريق قليل اوى لما بقعد مش علشان اان بحب الوقفة لأ علشان مش لاقى مكان المهم انا قعدت واستريحت وكان فى مجموعة شباب واقفين قصادى وركب شوية شباب تانيين من القنطرة اللى هما الناس اللى اعوذ بالله ركبوا وفضلوا يزقوا فى الشباب اللى واقفين قصادى قفام واد من اللى واقفين قصادى قلهم براحة شوية يا كابن فى ناس قاعدة وإحنا فعصناهم رايح الواد يتاع القنطرة بصلة حتة بصة وعينك متشوف الا النور

سب دين وشتائم قذرة والواد يقولة طب والناس يا كابتن يسبلة الدين ويسب الدين للناس اللى قعدة

ورايح أتجمعوا على الواد الغلبان اللى كان واقف قصادى بتاع خمسة ستة من القنطرة ورايح اجه خمسة ستة
يحجزوا ضربوهم برضوا وشتموهم وكانوا مستحلفين للواد عاوزين يرموة من القطار كلة دة علشان قالة بالراحة يا كابتن المهم رايح ضربوا الواد وزقوه فى عربية تانية وكل دة وانا قاعد ركبى بتخبط فى بعضها واتلاقيت الواد بتاع القنطرة جاى يقعد على رجلى قعد شوية وبعدين فضلت اقولة يا برنس يابرنس يا برنس تعالى اتفضل حضرتك اقعد مكانى رايح قالى وسع حاسب رحت مصدقت انى قمت وجريت من مكانى بصراحة انا عوزكم انتو اللى تجكموا على الناس دى دة ناس اعوذ بالله هما اية مش عارفين انه فى ربنا ممكن يسخطهم كلهم

ولا حتى ممكن يموتوا فى اى لحظة ولا حتى ممكن نتقلب كلنا بالقطار ونموت كلنا يبقى استفادوا اية من الفتونة وقلة الادب اللى هما فيها ربنا يرحمنا جميعا بس طبعا اللى قرأ البوست دة اخد عنى فكرة انى جبان او غيره احب اقولة لالاوالف لالا

بالله العظيم لو كنت اتخانقت معاهم يأما قاتل يمقتول اةةةةة ههههههه

10 comments:

أحمد سعيد بسيوني said...

بسم الله
حي في قلوبنا
حملة طلاب طب طنطا لنصرة نبينا الكريم
www.aliveinourheart.blogspot.com
شارك معنا فـ"الحملة حملتكم"
تحياتنا

عايز أتعلم said...

يا عمي .........ولا جبان ولا حاجة ..انت بس الي مش عاوز تظهر مهاراتك
هههههههههههههههههههههههه

وبعدين يا عم انت بس كان المفروض عليكي تنكر عليهم كلامهم ده وتقوللو مينفعش كده ..انت بتسب دينك انت الاول قبله
وبعدين بقى لو على رايك مش ينفع تتكلم معاه ..اضعف الايمان وهو انك تنكر كده بقلبك طبعاً

وهي دي فعلاً شهامة المسلم انك تقوم وتقعد الراجل الكبير مكانك

جزيت كل الخير ..... وعاوزين فعلا كده المواقف اللي بنتعرضها في حياتنا نحكيها

سلام يا برنس

آخر العنقود said...

لالالالالالالالالالا ما تقلقش خاااااااااالص

ولا هنقول جبان ولا بتخاف ولا اى حاجة
:)

بس ممكن الواحد فعلا يكون بتعرض لمواقف زى ما بنقول بيلجأفيها لأضعف الايمان
اللى هوه عدم الرضا بالقلب
ودى من اصعب اللحظات اللى الواحد ممكن يمر بيها زى ماقولنا قبل كده


انا بتغاظ اوى من الناس فعلا اللى تحس انها واخدة الحياة عافية وبلطجة
ربنا يهدينا ويهديهم

وباحييك على موقفك الاول
كده فعلا الواحد يدعو بأفعاله مش بكلامه
دى مؤثر اكتر بكتييييييير

تحياتى ليك

Abd El-fatta7 said...

لا لا يابوحميد دي مافيهاش ياقاتل يامقتول ...هي حاجة واحدة منهم بس انت عارفها طبعا

هههههههههه

بس المشكلة فعلا في سب الدين ان انا مش باقدر امسك نفسي لو حد قال كده قدامي


ربنا يهدي عصاة المسلمين ويتوب عليهم يارب


سلام ياهندسة

ikhwangeeee said...

دا لو انا كنت مكانك ... كنت هخلى وشهم شواااارع ..

اول حاجة هطلع السيف أبو لمبة وانط من البتاع علطووووووول

أصل الجرى ل الجدعنة


أخوكم إخوانى حتى النخاع

http://ikhwangeeee.blogspot.com

ahmed fala said...

الفاضل /احمد سعيد بسيونى
اعانكم الله ووفقكم الى ما يحبة ويرضاة

ahmed fala said...

د/خليفة
مهارات اييييييييييية بس يا دكترة ههههه
والله يا دكترة انا فكرت اكلمهم وكدة بس قولت دالواد بقولة براحة علشان فى ناس قاعدة مسكة عجنة مابالك انا لو قلتلة متشتمش

كان هيبقى اخر يوم فى عمرى

و انا سعيد جداا جدااا بتعليق حضرتك
سلام

ahmed fala said...

اختنا الفاضلة /اخر العنقود

كويس ان انا طلعت شجاع هههههه
وزى ما حضرتك قلى فعلا هو احنا فى المواقف اللى زى دى نلجأ الى اضعف الايمان وعدم الرضا بالقلب

بالنسبة لموقفى الاول انا ذكرتة علشان اعرفكم ان انا مقعدتش طول السكة ههههههه

نورتى المدونة

ahmed fala said...

بشمهندس /عبد الفتاح
عارف طبعا يا مقتوووووووول ههههههه

بس انت هتعمل مع الناس دى ايييييييييية بس

امين امين امين

سلام يا كبير

ahmed fala said...

الفاضل /اخوانى حتى النخاع

اة طبعا حضرتك كنت هترسم على وشهم خريطة العالم ههههه

بس هو اييية السيف ابو لمبة

شرفتنى فى اول زيارة لحضرتك فى المدونة وتمنى الا تكون الاخيرة